Participa no 30 Aniversario de COGAMI

O ano 2020 inicia co aniversario de COGAMI: xa son trinta anos os que cumpre a nosa Organización.

Gustaríanos que ti puideras participar neste aniversario dunha maneira moi sinxela:

  • Grava un vídeo que non sexa máis longo de 30 segundos.
  • Grava este vídeo en formato horizontal, nunca en vertical.
  • Podes saír ti soamente ou coa compaña de máis xente.
  • Tamén podes usar os teus contactos se son coñecidos, populares, famosillos, para que nos feliciten a través das súas redes.
  • Felicita a COGAMI neste vídeo e podes subilo ás túas redes sociais co hashtag #30AniversarioCOGAMI ou tamén o podes enviar a prensa@cogami.gal e xa nós o colgamos nas nosas redes.

Esta campaña empezará a partir do 1 de xaneiro, así que tés tempo para idear a túa felicitación.

Podes falar, cantar, bailar, interpretar, ... en fin, as felicitacións poden ser tan diversas como as ideas que teñades.

Os vídeos vanse ir publicando durante todo o ano, polo tanto, non poñemos data final, aínda que nos gustaría que os forades enviando para poder ir organizando a difusión.