Alumnado do ciclo de hostalería de FP de Foz aprende a como tratar a clientela con discapacidade
  • Novas
  • 13 de marzo de 2019

Alumnado do ciclo de hostalería de FP de Foz aprende a como tratar a clientela con discapacidade

Alumnado do IES de Foz, do ciclo de Hostalería de Formación Profesional asistiu a unha charla de sensibilización sobre a discapacidade.A traballadora social da Asociación de Persoas con Discapacidade A Mariña COGAMI, Emma Caamaño, e mailo voluntario, Ángel López, persoa con lesión medular, foron as persoas encargadas de impartir esta charla coa que se pretende ofrecer unha visión real da discapacidade.

O obxectivo desta charla contempla que estes futuros profesionais da hostalería teñan coñecemento de como atender e entender á clientela con discapacidade, así como tamén a importancia de estar sensibilizado sobre a necesidade de traballar nun negocio carente de barreiras arquitectónicas.

Estas charlas foron impartidas a alumando das especialidades de cociña e servizos e nelas se falou tanto da discapacidade física como da auditiva, sensorial e psíquica.