COGAMI, unha das entidades beneficiarias da entrega de máscaras por parte da Subdelegación do Goberno
  • Novas
  • 05 de enero de 2021

COGAMI, unha das entidades beneficiarias da entrega de máscaras por parte da Subdelegación do Goberno

A coordinadora da oficina de COGAMI en Ourense, Mónica Limia, recolleu da man do Subdelegado do Goberno en Ourense, Emilio González, a entrega de máscaras cirúrxicas que serán destinadas para uso de persoal laboral e persoas usuarias de entidades que forman parte do CERMI Galicia e carecen de recursos.

Con este, xa son cinco os repartos nos que COGAMI está convocada por parte da Subdelegación, para recoller un material que vai destinado á atención de poboación vulnerable e persoal de servizos esenciais das entidades locais. 

Ademais de COGAMI, a esta convocatoria acudiron tamén as entidades Cáritas e Cruz Vermella, facéndoselles entrega dun total de 34.000 máscaras para repartir entre o persoal, persoas usuarias e entidades que forman parte do Comité de Entidades Representantes de Persoas con Discapacidade de Ourense (CERMI).