Domingo de actividades sesibilizadoras en Alcer Coruña
  • Novas
  • 07 de septiembre de 2020

Domingo de actividades sesibilizadoras en Alcer Coruña


Nada mellor que realizar unha ruta polos recunchos de Santiago de Compostela para poder chamar a atención sobre a necesidade de facerse doante de órganos. Isto é o que pensaron dende a Asociación para a Loita Contra as Enfermidades de Ril -Alcer Coruña- que decidiu organizar unha actividade de sensibilización na que participaron 11 persoas.

A actividade consistiu nunha ruta pola zona monumental compostelá na que se visitaron, e tamén explicaron, as historias e lendas dos principais monumentos da cidade. Tras iniciar a andaina perante a escultura das Dúas Marías da Alameda, o grupo desprazouse polas emblemáticas rúas do Franco, Praza do Obradoiro, Praza da Inmaculada, Praza da Quintana, Praza de Praterías, Praza do Toural, Rúa Nova, Mercado de Abastos e Parque de Bonaval.

Tralo remate da andaina, todas as persoas participantes asistiron a un obradoiro sobre a importancia da doazón de órganos.