Unha APP de participación cidadá recolle 30 incidencias de accesibilidade
  • Novas
  • 18 de diciembre de 2019

Unha APP de participación cidadá recolle 30 incidencias de accesibilidade


As persoas usuarias do centro de recursos que COGAMI ten en Medelo estiveron percorrendo as rúas do concello de Silleda para comprobar o funcionamento de #AccesibilidadAPP, unha aplicación de participación cidadá que permite comunicar incidencias sobre a accesibilidade que nos imos atopando conforme nos desprazamos pola rúa.

Durante o período de tempo que comprobaron esta APP, aproximadamente unha hora, recolléronse máis de 30 puntos inaccesibles para as persoas con mobilidade reducida, unhas incidencias que se subiron á APP para deixar constancia das mesmas.

Esta aplicación, que forma parte dun proxecto que financia COCEMFE a través da X Solidaria e en colaboración con Fundación Vodafone España, pode descargarse gratuitamente en Playstore para calquera formato de telefonía móbil.   

Durante estes días, persoas usuarias do centro de recursos de Medelo estiveron aprendendo a manexar a denominada #ACCESIBILIDAPP para recoller todas as incidencias de accesibilidade localizadas tanto en rúas como en edificios, infraestruturas e transporte. Rebaixes mal feitos, carencia de ramplas, beirarrúas en mal estado son algunhas das incidencias subidas á aplicación.