- Movemento Asociativo
- 24 de mayo de 2024
GRUMICO organiza un obradoiro de información e asesoramento sexolóxico
En colaboración con ACADAR, o Programa DEDALEIRA chegará a GRUMICO para ofrecer unha serie de talleres sobre educación sexual. Estes talleres, dirixidos por Lorena Boquete Vila, psicóloga, sexóloga e promotora da igualdade, teñen como obxectivo brindar información valiosa e promover a conciencia sobre a sexualidade nun ambiente seguro e comprensivo.
As datas programadas para estes talleres son o 24 e 31 de maio, así como o 7 de xuño, con horario de 11:30 a 13:00 horas.
O Programa DEDALEIRA especialízase en ofrecer información e asesoramento sexolóxico para persoas con discapacidade, parellas, familiares e persoas do seu entorno social ou institucional. Durante os talleres, abordaranse diversos temas relacionados coa sexualidade, como anatomía e fisioloxía, pracer sexual, relacións seguras, comunicación en parella, entre outros. A metodoloxía dos talleres incluirá actividades participativas, explicacións por parte da profesional e o uso de materiais audiovisuais e ferramentas didácticas para asegurar unha experiencia educativa completa e enriquecedora.