- Novas
- 22 de septiembre de 2023
A Federación provincial Discafis COGAMI organiza un encontro co alumnado de enfermería de Ourense
Entidades que forman parte da Federación Discafis COGAMI de Ourense mantiveron un encontro con estudantes de 3º curso da Escola de Enfermería para amosarlles a estas e estes futuros profesionais, como se desenvolve o movemento asociativo e a importancia que ten para as persoas pacientes.
O salón de actos da entidade Aixiña acolleu este encontro que estivo organizado e promovido por Discafis COGAMI e o Departamento de Humanización da área Sanitaria de Ourense. Ante unha asistencia de 50 estudantes, o obxectivo desta xornada foi que estas e estes futuros profesionais coñezan o tecido asociativo sociosanitario para que, ao longo das súas carreiras, poidan informar da súa existencia a pacientes, como un recurso ao que poden dirixirse, de xeito que tamén se humaniza a sanidade.
Entre as entidades asistentes estaban representantes de Aixiña, Aler Ourense, Aodemper, AFFOU, ACCU Ourense, ASOTRAME, AGL, AGADHEMO, AGAL e Fibrose Quística de Galicia. Explicaron os servizos que ofrecen de atención a pacientes de xeito integral e individualizado, do alcance como entidades de interese social e da programación de actividades para este período.