- Novas
- 25 de abril de 2023
Máis de noventa persoas resultaron beneficiarias do programa de atención especializada para persoas con discapacidade da asociación membro AFFOU
A Asociación de Fibromialxia, Síndrome de Fatiga Crónica e Sensibilidade Química Múltiple de Ourense, AFFOU, desenvolve un programa na provincia de Ourense para mellorar a calidade de vida das persoas asociadas á entidade. Durante o ano pasado foron máis de noventa persoas con fibromialxia e síndrome de fatiga crónica as que se beneficiaron, mellorando a súa calidade de vida a través da atención integral das súas necesidades.
Este programa é posible coa cofinanciación da Xunta de Galicia a través dos fondos recadados do 0,7% do IRPF da declaración da renda procedentes das persoas contribuíntes que marcaron o cadro 106 de Actividades de interese xeral consideradas de interese social.
O programa que desenvolve AFFOU ofrece atención social, psicolóxica e terapias físico-rehabilitadoras dirixidas ás persoas con fibromialxia e fatiga crónica.