Asociacións

ORIXE:
No ano 1997 constitúese Amarai, cando un grupo de persoas con discapacidade e familiares destas deciden poñer en funcionamento unha asociación que teña como labor principal; a de mellorar a calidade de vida das persoas con discapacidade e as súas familias. Posibilitando a plena inclusión destas persoas nos diferentes ámbitos da sociedade, a través da defensa e promoción dos seus dereitos, da reivindicación do cambio social, da potenciación do asociacionismo e da prestación de servizos que satisfagan as súas necesidades e expectativas.

MISIÓN:
Conseguir a plena inclusión das persoas con discapacidade en tódolos ámbitos da sociedade, a través da defensa e promoción dos seus dereitos, da reivindicación do cambio social e da prestación de servizos que satisfagan as súas necesidades e expectativas.

VISIÓN:
Unha entidade consolidada e amplamente recoñecida pola sociedade en xeral, polos seus valores, compromiso e liderado nas metodoloxías de traballo e na procura da excelencia nas actuacións dirixidas o grupo social de persoas con discapacidade.

VALORES:
Amarai basea a súa actuación nos seguintes valores:
Democracia interna.
Solidaridade entre os seus membros.
O impulso da participación dos seus membros e tódalas súas actuacións.
A transparencia e publicidade na xestión e actuación das/dos súas/seus socias/os.
Defensa das necesidades xerais por enriba de intereses particulares.
A defensa do grupo social como titulares de dereitos evitando as mensaxes sentimentalistas, paternalistas ou asistenciais.

ÁMBITO DE ACTUACIÓN
O noso ámbito de actuación son as Comarcas de Arzúa, Terra de Melide, así como concellos limítrofes.

PERSOAS ASOCIADAS:
Na actualidade temos 164 socias/os.

DESCARGAR ORGANIGRAMA