Asociacións

ORIXE:

En outubro do ano 2003 constitúese na vila de Ponteareas unha asociación denominada ASOCIACIÓN DE PERSOAS CON DISCAPACIDADE DAS COMARCAS DO CONDADO E PARADANTA (ADAPTA)

ADAPTA é unha asociación sen ánimo de lucro e a súa misión é conseguir a plena inclusión das persoas con discapacidade en tódolos ámbitos da sociedade, a través da defensa e promoción dos seus dereitos, da reivindicación do cambio social e da prestación de servizos que satisfagan as súas necesidades e expectativas.

Adapta ten como visión unha entidade consolidada e amplamente recoñecida pola sociedade en xeral, polos seus valores, compromiso e liderado nas metodoloxías de traballo e na procura da excelencia nas actuacións dirixidas ó grupo social de persoas con discapacidade.

ADAPTA tamén contempla a colaboración, orientación e coordinación con outras asociacións, entidades ou organismos oficiais. Ademais inicialmente terá entre moitas accións a de colaborar, expoñer ou denunciar todos os lugares inaccesibles ou con adaptacións parciais para a eliminación de barreiras arquitectónicas, integración e plans integrais de accesibilidade.

MISIÓN

ADAPTA ten como misión conseguir a plena inclusión das persoas con discapacidade en tódolos ámbitos da sociedade, a través da defensa e promoción dos seus dereitos, da reivindicación do cambio social e da prestación de servizos que satisfagan as súas necesidades e expectativas.

OBXECTIVO:

O principal obxectivo de ADAPTA é acadar unha sociedade onde o grupo social das persoas con discapacidade poidan gozar dos seus dereitos en condicións de igualdade real, co mais absoluto respecto á súa dignidade e diversidade.

ÁMBITO DE ACTUACIÓN

O seu ámbito de actuación comprende os territorios de Ponteareas, Salvaterra do Miño, As Neves, Mondariz, A Paradanta, A Cañiza, Arbo, Crecente e O Covelo.