Asociación de Persoas con Discapacidade da Comarca de Noia e Muros
- Dirección: Avda. República Arxentina, 60
- Código Postal: 15200
- Localidade: Noia
- Provincia: A Coruña
- Correo electrónico: misela@misela.es
- Teléfono: 981 972 822
- Teléfono móbil: .
- Páxina Web: www.misela.es
ORIXE: O 16 de xuño de 1993, a raíz da unión de pais/nais dos/as nenos/as que acudían ó STAND (Servizo de Tratamentos a Nenos con Discapacidade), do Concello de Noia, constituíuse a Asociación de Pais do STAND, coa finalidade de dar ó neno con discapacidade o completo benestar físico, psíquico e social.
Ó longo dos anos , a entidade evoluciona cara á atención das persoas con discapacidade, tanto nenos/as como adultos/as, a través de servizos especializados.
No ano 2012, para dar un impulso á labor da entidade e aumentar a súa visibilidade social, a Asociación de Pais do STAND cambia de nome, denominándose a partir dese momento MISELA Asociación de persoas con discapacidade das comarcas de Noia e Muros.
MISIÓN: Promover o desenvolvemento persoal e social das persoas con discapacidade, así como fomentar a participación e o benestar das familias, a través dunha atención individualizada e interdisciplinar dende a infancia, na comarca de Noia e concellos limítrofes.
Os obxectivos estatutarios da Asociación son:
- Promover a autonomía e a integración das persoas con discapacidade no ámbito familiar, escolar, social e laboral.
- Potenciar a utilización e a busca dos recursos necesarios para unha mellor atención da persoa con discapacidade ou infancia con risco de padecela.
- Prestar asesoramento e atención ás persoas con discapacidade e ás súas familias ou titores.
- Defender os dereitos do neno e da persoa con discapacidade en xeral.
- Prevención de posibles discapacidades.
- Fomentar a inclusión laboral das persoas con discapacidade.
- Promover a actividade cultural, a práctica deportiva e a actividade física nas persoas con discapacidade.
ÁMBITO DE ACTUACIÓN: Comprende as comarcas de Noia e Muros.
PERSOAS ASOCIADAS: Na entidade hai dous tipos de socios:
- Socios Numerarios: Están compostos por persoas físicas, contando na actualidade con un número de 219 mulleres e 92 homes.
- Socios Protectores: Están compostos por empresas ou persoas xurídicas. Na actualidade cóntase con un total de 23 asociados.
Os obxectivos da Asociación lévanse a cabo na actualidade a través dos seguintes servizos de atención á persoa con discapacidade, desde a súa infancia ata a idade adulta:
.JPG)
EDIAT (Equipo de Desenvolvemento Infantil e Atención Temperá): ofrece servizos a nenos con trastornos no seu desenvolvemento ou risco de padecelos dende os 0 ata os 6 anos, e a nenos con discapacidade recoñecida dende os 6 ata os 16 anos. Está ubicado na rúa Frei Lois Rodríguez, 9 de Noia.
A atención que se presta dende o EDIAT inclúe:
- Atención individualizada: fisioterapia, terapia ocupacional, psicoloxía, etc.
- Programa de Transición á Vida Adulta (PTVA).
- Terapia no medio acuático.
- Asesoramento en adaptación funcional do entorno e produtos de apoio.
- Coordinación e derivación a profesionais de Educación, Sanidade e Servizos Sociais, destacando a coordinación mantida co STAND (Servizo de Tratamentos a Nenos con Discapacidade), do Concello de Noia, servizo co que se traballa moi estreitamente na atención ós nenos e ás familias.
CENTRO MISELA: servizo de atención diúrna para persoas con discapacidade maiores de 16 anos. Está situado na Avenida República Arxentina número 60 de Noia. Comezou a funcionar o día 1 de setembro de 2015. Inclúe:
- Centro de Día Misela: O servizo de atención diúrna terapéutica ofrece atención a persoas de entre 16 e 65 anos, con discapacidade e con necesidades de apoio extenso e xeneralizado e/ou en situación de dependencia, neste lévanse acabo un conxunto de actuacións encamiñadas a ofrecer unha atención integral durante o período diúrno, que inclúen a asistencia para a realización de actividades básicas da vida diaria, rehabilitación funcional, actividades de participación na comunidade, etc. co obxectivo de mellorar ou manter o nivel de autonomía persoal, así como apoiar as súas familias ou persoas coidadoras.
Neste servizo lévanse a cabo as seguintes actividades e programas:
- Área de información, valoración, seguimento e orientación:
- Servizo de valoración, seguimento, avaliación e coordinación.
- Servizo de información, orientación e formación a familiares.
- Área de formación básica e instrumental:
- Asistencia ás actividades básicas e instrumentais da vida diaria.
- Área de actividades e programas:
- Actividades de ocio e tempo libre: excursións, talleres temáticos, actuacións, participación en xornadas, actividades deportivas...
- Área de mantemento e/ou rehabilitación:
- Fisioterapia.
- Psicomotricidade.
- Atención psicolóxica.
- Área de servizos xerais:
- Manutención e dietas especiais.
- Limpeza e mantemento.
- Xestión e administración.
- Supervisión e vixilancia.
- Centro Ocupacional Misela: Servizo diúrno dirixido a persoas con discapacidade intelectual con necesidades de apoio intermitente, e/ou en situación de dependencia, que precisen dunha serie de coidados e atencións de carácter persoal, social, terapéutico e ocupacional. A atención céntrase no apoio ó desenvolvemento das ABVD e AIVD, na promoción da súa saúde, no desenvolvemento de actividades no entorno e en programas de formación e preparación prelaboral e ocupacional.Conta con 10 prazas autorizadas.
Neste servizo lévanse a cabo as seguintes actividades e programas:
- Área de información, valoración, seguimento e orientación:
- Servizo de valoración, seguimento, avaliación e coordinación.
- Servizo de información, orientación e formación a familiares.
- Área de formación básica e instrumental:
- Asistencia ás actividades básicas e instrumentais da vida diaria.
- Área de actividades e programas:
- Actividades de ocio e tempo libre: excursións, talleres temáticos, actuacións, participación en xornadas, actividades sociais e deportivas...
- Área de formación profesional:
- Servizo de formación para o emprego.
- Área de mantemento e/ou rehabilitación:
- Atención psicolóxica.
- Área de servizos xerais:
- Manutención e dietas especiais.
- Limpeza e mantemento.
- Xestión e administración.
- Supervisión e vixilancia.
SERVIZO DE PROMOCIÓN DA AUTONOMÍA PERSOAL (PAP): Está dirixido a persoas maiores de 16 anos, con discapacidade física, intelectual ou mixta, ás súas familias e ó entorno cercano. Cóntase cun equipo interdisciplinar formado por fisioterapeuta, terapeuta ocupacional e mestra de educación especial.
- EQUIPO DE DESENVOLVEMENTO INFANTIL E ATENCIÓN TEMPERÁ (EDIAT): R/ Frei Lois Rodríguez, 9 de Noia. Teléfono 981 842 097.
- CENTRO DÍA E OCUPACIONAL: Avda. República Arxentina, 60 de Noia. Teléfono 981 972 822.
Páxina web: www.misela.es
Páxina facebook:
Blog usuarios Centro Misela: https://osamigosdemisela.blogspot.com.es/
Enche o formulario de contacto se desexas contactar coa asociación
