Asociacións

ORIXE:

A orixe da asociación data a decembro de 2007, constituíndose como unha asociación que loita contra a exclusión social e laboral das persoas con discapacidade.

MISIÓN:

Mellora contra a exclusión a nivel social e laboral que sofren as persoas con discapacidade e mellorar a calidade de vida destas persoas e dos seus familiares.

OBXECTIVOS:

Os fins principais que se pretenden acadar son:

• Defender a dignidade e os dereitos das persoas con discapacidade.
• Apoiar ás familias para acadar melloras nas condicións de vida destas persoas.
• Promover a integración laboral e social das persoas con discapacidade.
• Crear as condicións para que se poida cumprir adecuadamente esta misión.
• Promover actitudes sociais positivas cara as persoas con discapacidade.
• Promover lexislación adecuada que mellore a situación do colectivo.
• Orientar, coordinar e impulsar o movemento asociativo con criterios de solidariedade.
• Desenvolver estratexias solidarias de cara a acadar equilibrio na calidade e os servizos.
• Calquera outra cousa que, de modo directo ou indirecto, poida contribuir ó cumprimento da misión do movemento asociativo que redunde en beneficio das persoas con discapacidade e as súas familias.

PRINCIPIOS E VALORES

A asociación baséase nunha actuación democrática dos seus membros, cunha actuación transparente e solidaria.

Acata os valores doutras asociacións cos mesmos fins: a consideración das persoas con discapacidade como suxeita de dereito e valores. A importancia da familia.

Considera como valor fundamental a promoción de autocontrol e autoevaluamento destas persoas.