Dende a área de Recursos Humanos buscamos persoas profesionais que se sintan identificadas co valor social e estean sensibilizadas e implicadas co ámbito da discapacidade.
Apostamos polo talento, a motivación e a progresión a través dunha xestión de Recursos Humanos centrada nas persoas.
Grazas ao amplo abano de actividades nas que está presente COGAMI en Galicia, buscamos e seleccionamos perfís de distintos ámbitos: social, sociosanitario, administración, loxística, xestión empresarial, etc.
Inscríbete nas ofertas que temos dispoñibles para traballar dentro da Organización ou envíanos o teu currículo para futuros procesos de selección. Agardámoste!