- Proxectos
- 16 de septiembre de 2025
Sesión informativa AEPEF Proxecto SensoXenoma 2025
AEPEF colabora no proxecto de investigación SENSOXENOMA facilitando a participación de persoas con Paraparesia Espástica Familiar
A Asociación Española de Paraparesia Espástica Familiar (AEPEF) anuncia a súa colaboración no proxecto de investigación SENSOXENOMA,
un innovador estudo titulado “A música como axente modulador da expresión génica e susceptibilidade xenética asociada”, desenvolto polo Hospital Clínico Universitario de Santiago de Compostela e aprobado polo Comité de Ética da Investigación Santiago-Lugo.
O obxectivo do estudo é analizar como os estímulos musicais inflúen na expresión dos xenes e na susceptibilidade xenética, achegando un novo enfoque ao coñecemento científico sobre a relación entre música, xenética e saúde.
AEPEF facilitará a participación de persoas con Paraparesia Espástica Familiar (PEF) neste proxecto, poñendo ao dispor das familias toda a información necesaria, así como os formularios de consentimento e a documentación requirida.
Como paso previo, AEPEF organiza o vindeiro martes 16 de setembro ás 19:30 horas unha sesión informativa en liña na que as persoas interesadas poderán coñecer os detalles do estudo e consultar directamente cos investigadores.
O formulario de inscrición para participar na sesión informativa e no estudo xa está dispoñible:aquí
A xornada de participación presencial terá lugar o próximo 3 de outubro, data na que levarán a cabo as probas contempladas no estudo.
Desde AEPEF animamos a todas as persoas afectadas e ás súas familias para formar parte desta investigación pioneira, que busca abrir novas vías de coñecemento en beneficio das enfermidades neurolóxicas e neurogenéticas pouco frecuentes.