Valor social

Por cada 1 euro que recibimos da Administración, xeramos uns 8 euros.

A mellora da calidade de vida das persoas tras o seu paso por  COGAMI, entendida como valor social, é obxecto de estudo e análise na organización dende o ano 2018 mediante unha metodoloxía rigorosa desenvolvida conxuntamente polas Universidades de País Vasco e Deusto.

O resultado deste proxecto foi dar a coñecer a capacidade de COGAMI para xerar valor na súa contorna. Así, a través da contabilidade social coñecemos o valor da nosa Misión e permite pór de relevo a capacidade multiplicadora da organización cara ao beneficio social común.

Neste vídeo podes obter máis información sobre o valor social que COGAMI xera na sociedade.