Novas COGAMI Empresarial
Listado de Noticias
- Novas COGAMI Empresarial
- 10 de agosto de 2026
Hornos de Lamastelle: tradición e innovación ao servizo das persoas
A aposta pola calidade, a innovación e a sostibilidade permitiu a Hornos de Lamastelle seguir reforzando durante 2025 a súa posición como referente no sector da panadaría e da pastelaría en Galicia, combinando a elaboración artesanal coa creación de emprego inclusivo.
- Novas COGAMI Empresarial
- 06 de agosto de 2026
A sostibilidade como eixo transversal: un compromiso compartido en COGAMI Empresarial
A Economía Circular, a eficiencia enerxética, a redución da pegada ambiental e a innovación sostible marcaron durante 2025 a actividade das empresas de COGAMI Empresarial. Un compromiso que se traduce en proxectos concretos para avanzar cara a un modelo económico máis responsable e inclusivo.
- Novas COGAMI Empresarial
- 03 de agosto de 2026
Dixardín: espazos verdes que coidan das persoas e do medio ambiente
Con case 700.000 metros cadrados de superficie traballada, proxectos de conservación da biodiversidade e recoñecementos de ámbito estatal, Dixardín consolidou en 2025 un modelo de xestión de espazos verdes que combina sustentabilidade ambiental, innovación e creación de emprego inclusivo.
- Novas COGAMI Empresarial
- 29 de julio de 2026
Cualicar entrega un vehículo adaptado á asociación Agora para facilitar a mobilidade accesible
A empresa de COGAMI Empresarial realizou a adaptación e homologación dunha Volkswagen Caddy Maxi para a asociación Ágora, reforzando o seu servizo especializado en solucións de mobilidade accesible para persoas con mobilidade reducida.
- Novas COGAMI Empresarial
- 27 de julio de 2026
Hornos de Lamastelle pon sabor ao Día de Galicia en As Cancelas
O Centro Comercial As Cancelas contou coa colaboración de Hornos de Lamastelle para celebrar o Día de Galicia ofrecendo unha degustación gratuíta de tarta de Santiago elaborada pola empresa de COGAMI Empresarial.
- Novas COGAMI Empresarial
- 20 de julio de 2026
Combina Social reivindica o emprego inclusivo como motor de oportunidades e transformación social
A xerente de Combina Social, Raquel Alvite, destacou durante a súa participación no programa Un Café con Eva, de Radio Voz, a importancia de derrubar estereotipos sobre a discapacidade e de ofrecer oportunidades laborais adaptadas ás capacidades de cada persoa para favorecer a súa autonomía e desenvolvemento profesional.
- Novas COGAMI Empresarial
- 17 de julio de 2026
Hornos de Lamastelle colabora un ano máis con ACEM na marcha solidaria CaminEMos
A empresa de COGAMI Empresarial participou na nova edición da marcha solidaria organizada pola Asociación Coruñesa de Esclerose Múltiple (ACEM), achegando, xunto con Gadis, o avituallamento para as persoas participantes.
- Novas COGAMI Empresarial
- 16 de julio de 2026
Combina Social abre novos procesos de selección para incorporar talento na Coruña, A Laracha e Carballo
O Centro Especial de Emprego de Iniciativa Social de COGAMI Empresarial busca incorporar novas persoas ao seu equipo a través de diferentes ofertas laborais na Coruña, A Laracha e Carballo, con xornadas adaptadas a distintos perfís profesionais.
- Novas COGAMI Empresarial
- 14 de julio de 2026
Trameve: transformar vehículos en oportunidades para as persoas e o medio ambiente
A través da recuperación de vehículos fóra de uso, a reutilización de compoñentes e a innovación en Economía Circular, Trameve consolídase como un referente na xestión sostible do sector da automoción, demostrando que cada vehículo pode ter unha segunda vida con impacto ambiental e social.
- Novas COGAMI Empresarial
- 09 de julio de 2026
Economía circular con impacto social: cando a sostibilidade tamén crea oportunidades
A xestión responsable dos recursos, a reutilización de materiais e a aposta por modelos de produción máis sostibles forman parte do ADN de COGAMI Empresarial. A través de diferentes unidades de negocio, o Grupo transforma a Economía Circular nunha ferramenta para protexer o medio ambiente e crear emprego inclusivo en Galicia.
- Novas COGAMI Empresarial
- 07 de julio de 2026
30 anos creando oportunidades: a evolución de COGAMI Empresarial como referente da Economía Social en Galicia
Desde a creación de Coregal en 1995 ata o actual Grupo Empresarial formado por nove unidades de negocio con actividade económica e máis de medio millar de persoas traballadoras, COGAMI Empresarial leva tres décadas demostrando que é posible construír empresas competitivas cun forte compromiso coa inclusión social, a sostibilidade e a creación de emprego de calidade.
- Novas COGAMI Empresarial
- 06 de julio de 2026
Abrindo camiño: as mulleres gañan presenza en sectores tradicionalmente masculinizados de COGAMI Empresarial
A incorporación de mulleres a ámbitos profesionais historicamente masculinizados é unha das liñas nas que COGAMI Empresarial continúa avanzando, favorecendo a igualdade de oportunidades e a creación de contornas laborais máis diversas e inclusivas.