- Novas COGAMI Empresarial
- 14 de julio de 2026
Trameve: transformar vehículos en oportunidades para as persoas e o medio ambiente
Cada vehículo que chega ao final da súa vida útil aínda pode seguir xerando valor. Ese é o principio que guía o traballo diario de Trameve, a empresa de COGAMI Empresarial especializada na descontaminación, tratamento e valorización de vehículos fóra de uso.
A súa actividade permite recuperar e reutilizar miles de compoñentes que, tras un rigoroso proceso de revisión e control, poden volver incorporarse ao mercado, reducindo o consumo de materias primas e contribuíndo á economía circular.
Durante 2025, Trameve recuperou máis de 11.000 pezas destinadas á súa reutilización, un dato que reflicte o compromiso da empresa cun modelo de produción máis eficiente e sostible.
A innovación constitúe outro dos piares da compañía. Un dos proxectos máis destacados foi a creación de mobiliario corporativo elaborado a partir de pneumáticos reutilizados, unha iniciativa desenvolvida xunto a COGAMI Empresarial que obtivo un accésit nos Premios SIGRAUTO polo seu carácter innovador e pola súa contribución á economía circular.
Ademais da recuperación de pezas, Trameve comercializa vehículos de ocasión a través da marca Cualicar, ofrecendo automóbiles revisados e garantidos que prolongan a vida útil dos vehículos e fomentan un consumo máis responsable.
Pero o impacto de Trameve vai máis alá da protección ambiental. Como empresa de COGAMI Empresarial, combina a actividade económica coa creación de emprego para persoas con discapacidade, demostrando que a sustentabilidade tamén pode ser unha ferramenta de inclusión social.
A través da innovación, da reutilización de recursos e da creación de oportunidades laborais, Trameve continúa contribuíndo a un modelo de economía circular no que cada vehículo recuperado representa unha nova oportunidade para o planeta e para as persoas.
