- Novas COGAMI Social
- 06 de octubre de 2025
A Asociación Galega de Fibrose Quística impulsa un programa de atención especializada con financiamento do 0,7% do IRPF
O proxecto, cofinanciado pola Xunta de Galicia a través dos fondos da X Solidaria, permitiu contratar profesionais de fisioterapia e traballo social para apoiar a 76 persoas con fibrose quística e familias.
A Asociación Galega de Fibrose Quística desenvolveu un programa de atención especializada para persoas con fibrose quística. Este proxecto fixo posible a contratación dun fisioterapeuta encargado de impartir sesións de fisioterapia respiratoria e exercicio físico, dirixidas a nenos e nenas, mocidade e persoas adultas con fibrose quística, así como ás súas nais e pais, co obxectivo de ensinar as técnicas adecuadas que fomenten a autonomía persoal.
Este programa está financiado pola Xunta de Galicia a través da asignación tributaria do 0,7% do IRPF, dentro da convocatoria de subvencións para programas de interese xeral de carácter social.
O programa tamén permitiu cofinanciar a contratación dunha traballadora social que ofreceu apoio, asesoramento e orientación ás persoas con fibrose quística e ás súas familias. En total, foron 76 as persoas beneficiarias desta iniciativa, que supón un paso adiante na mellora da calidade de vida das persoas con fibrose quística en Galicia.
