- Novas COGAMI Social
- 29 de febrero de 2024
COGAMI presente na feira de emprego que organizou a Universidade de Vigo
A área de Emprego de COGAMI estivo presente no EmpregoInCampus, unha das primeiras feiras do ano que intentan conectar ao estudantado co mundo empresarial para captar o talento que hai nas aulas.
Durante os tres días que durou este encontro, foron moitas e moitos estudantes que se achegaron ata os postos informativos que tiñan instalados as empresas e entidades sociais que, como no caso de COGAMI, son facilitadoras da inserción tanto na empresa ordinaria como en centros especiais de emprego.
Este tipo de eventos son importantes para visibilizar os servizos que presta COGAMI e informar da variedade de perfís que se necesitan incorporar aos centros especiais de emprego de COGAMI Empresarial como economistas, informáticos, xestores, entre outros, ademais dos relacionados co ámbito social. Este encontro serviu incorporar á nosa bolsa de emprego estudantes con discapacidade.