- Novas COGAMI Social
- 18 de marzo de 2025
COGAMI reforza a súa presenza mediática e dixital cunha ampla difusión en 2024
Durante o ano 2024, COGAMI reforzou a súa estratexia de comunicación e difusión, acadando un gran impacto en medios e redes sociais. Ao longo do ano, a entidade realizou un total de 3.007 insercións en medios de comunicación, contribuíndo a dar visibilidade aos servizos e proxectos en favor das persoas con discapacidade.
En canto á presenza dixital, COGAMI acadou un total de 1.142.018 impresións en redes sociais, consolidando a súa capacidade de alcance e impacto. Ademais, rexistráronse 307.494 visitas ás páxinas web da Organización, o que reflicte un interese crecente polo labor desenvolvido.
A difusión de contidos en redes sociais tamén experimentou un notable incremento, con 1.407 publicacións que permitiron manter informada á comunidade virtual. Isto contribuíu ao crecemento da súa audiencia, acadando un total de 41.704 persoas seguidoras en redes sociais.
No que respecta á comunicación institucional, COGAMI enviou 85 notas de prensa ao longo do ano, das cales o 94 % foron publicadas, o que evidencia o interese dos medios polos temas abordados pola entidade. Ademais, foron difundidas 29 campañas de sensibilización e información que permitiron ampliar o impacto social da Organización.
Con estes datos, COGAMI reafirma o seu compromiso coa transparencia, a sensibilización e a defensa dos dereitos das persoas con discapacidade, fortalecendo a súa presenza tanto nos medios tradicionais como no entorno dixital.