- Novas COGAMI Social
- 29 de diciembre de 2025
O programa de fisioterapia integral de AGAPA mellorou a autonomía de 36 persoas amputadas en Galicia
A Asociación Galega de Persoas Amputadas (AGAPA) vén de desenvolver un Programa de Fisioterapia Integral para Persoas Amputadas, unha iniciativa centrada no apoio á autonomía persoal e na mellora da calidade de vida deste colectivo, da que se beneficiaron directamente 36 persoas usuarias.
O programa, financiado a través do Plan de Prioridades da Fundación ONCE, nace tras detectar, mediante o contacto directo con hospitais, unidades de próteses e asociacións locais, que moitas persoas amputadas non dispoñen dun seguimento fisioterapéutico continuado unha vez reciben a alta hospitalaria ou finalizan a rehabilitación inicial no sistema público de saúde.
Esta falta de continuidade terapéutica pode provocar consecuencias como a perda de forza e mobilidade na zona residual e nas extremidades compensatorias, dores posturais, sobrecargas musculares, problemas articulares derivados dunha adaptación deficiente á prótese, así como dificultades para recuperar a autonomía nas actividades da vida diaria, incrementando tamén o risco de illamento social e desmotivación.
Co obxectivo de cubrir este baleiro asistencial, AGAPA puxo en marcha un programa estable de fisioterapia que contribúe á prevención e redución de complicacións musculoesqueléticas, ofrece atención fisioterapéutica personalizada, favorece a correcta adaptación ao uso da prótese e promove hábitos de vida saudables, reforzando ao mesmo tempo a autonomía das persoas participantes.
As sesións realizáronse en 23 clínicas de fisioterapia distribuídas por toda Galicia, en concellos como A Coruña, Santiago de Compostela, Teo, Sada, Noia, Vigo, Lugo, Meira, Ribadeo, Ourense, Cangas, Meaño, Sanxenxo, Tui, O Porriño ou Vilaboa, garantindo así a proximidade do servizo e o acceso das persoas usuarias ao recurso con independencia do seu lugar de residencia.
Con este programa, AGAPA reafirma o seu compromiso coa atención integral ás persoas amputadas, apostando por recursos especializados que complementen o sistema público e contribúan á súa plena inclusión social e á mellora do seu benestar físico e emocional.
O programa de fisioterapia integral de AGAPA mellorou a autonomía de 36 persoas amputadas en Galicia
A iniciativa, financiada pola Fundación ONCE a través do Plan de Prioridades, ofrece seguimento fisioterapéutico personalizado tras a alta hospitalaria en diferentes puntos do territorio.
A Asociación Galega de Persoas Amputadas (AGAPA) vén de desenvolver un Programa de Fisioterapia Integral para Persoas Amputadas, unha iniciativa centrada no apoio á autonomía persoal e na mellora da calidade de vida deste colectivo, da que se beneficiaron directamente 36 persoas usuarias.
O programa, financiado a través do Plan de Prioridades da Fundación ONCE, nace tras detectar, mediante o contacto directo con hospitais, unidades de próteses e asociacións locais, que moitas persoas amputadas non dispoñen dun seguimento fisioterapéutico continuado unha vez reciben a alta hospitalaria ou finalizan a rehabilitación inicial no sistema público de saúde.
Esta falta de continuidade terapéutica pode provocar consecuencias como a perda de forza e mobilidade na zona residual e nas extremidades compensatorias, dores posturais, sobrecargas musculares, problemas articulares derivados dunha adaptación deficiente á prótese, así como dificultades para recuperar a autonomía nas actividades da vida diaria, incrementando tamén o risco de illamento social e desmotivación.
Co obxectivo de cubrir este baleiro asistencial, AGAPA puxo en marcha un programa estable de fisioterapia que contribúe á prevención e redución de complicacións musculoesqueléticas, ofrece atención fisioterapéutica personalizada, favorece a correcta adaptación ao uso da prótese e promove hábitos de vida saudables, reforzando ao mesmo tempo a autonomía das persoas participantes.
As sesións realizáronse en 23 clínicas de fisioterapia distribuídas por toda Galicia, en concellos como A Coruña, Santiago de Compostela, Teo, Sada, Noia, Vigo, Lugo, Meira, Ribadeo, Ourense, Cangas, Meaño, Sanxenxo, Tui, O Porriño ou Vilaboa, garantindo así a proximidade do servizo e o acceso das persoas usuarias ao recurso con independencia do seu lugar de residencia.
Con este programa, AGAPA reafirma o seu compromiso coa atención integral ás persoas amputadas, apostando por recursos especializados que complementen o sistema público e contribúan á súa plena inclusión social e á mellora do seu benestar físico e emocional.
