- Novas
- 25 de febrero de 2022
A asociación Ambar recibe a visita de representante da Cooperativa Covirán para explicar os perfís que buscan as empresas
Unha das representantes da Cooperativa Covirán, Marisa Arnoso, encargada de selección no supermercado Etelvina de Aguiño, en Ribeira, visitou as instalacións da asociación Ambar, para compartir a súa visión e experiencia de 40 anos traballando nesta empresa de distribución alimentaria.
O eixe principal do encontro estivo centrado nas competencias laborais. Na importancia de perfís polivalentes, actitude positiva, proximidade e traballo en equipo. Tamén falou de emprendemento e do valor engadido do comercio local. Narrou o impacto do COVID e a implicación que supuxo para o persoal do sector, sobre todo nos primeiros meses da pandemia.
A esta xornada asistiu alumnado do curso sobre industria alimentaria que Ambar está a impartir nas súas instalacións e que finanzan o Fondo Social Europeo e a Fundación ONCE a través do programa "Uno a Uno" do POEJ convocatoria 2021-2022, tendo por finalidade promover a sostibilidade e a calidade no emprego, favorecer a mobilidade laboral, así como reforzar a empregabilidade e as competencias profesionais das persoas xoves e non integradas nos sistemas de educación ou formación.