- Novas
- 23 de septiembre de 2021
ADISBISMUR inicia a etapa Muros-Santiago do Camiño
Un total de 9 persoas usuarias e 3 profesionais do centro ocupacional Valadares da asociación ADISBISMUR iniciaron a primeira das etapas da recentemente declarada vía de peregrinación pola Igrexa: a ruta Ría de Muros-Noia do Camiño de Santiago.
Na saída, e durante un traxecto de 3 km aproximadamente, o grupo estivo acompañado polo resto de persoas usuarias do centro ademais da alcaldesa de Muros, Inés Monteagudo, e do párroco Daniel Pérez Espasandín, quen foi a persoa encargada de facer entrega das credenciais que este grupo de peregrinas e peregrinos irá selando nas zonas de paso ata poder obter a Compostela na fin do traxecto.
A primeira etapa realizada constou dun traxecto de 10 quilómetros de percorrido e será retomado o punto de chegada para poder seguir avanzando cara Santiago. Cada semana irán realizando o resto de tramos de 10 km aproximadamente, ata chegar a Santiago.