O concello de Santiago de Compostela por primeira vez abre convocatoria de axudas individuais para persoas cun grao de discapacidade igual ou superior ao 33%, maiores de 3 anos e que teñan recoñecido no certificado emitido polo EVO dificultades de mobilidade para o uso do transporte público colectivo.
Estas axudas, que teñen como prazo de remate para presentarse o 28 de outubro, poden ascender a un máximo de 300 euros abonados nun pagamento único, serán para cubrir custos dos desprazamentos en taxi no termo municipal compostelán.
Un dos requisitos que se pide é o de estar empadroado e ser residente do concello de Santiago un ano antes de tramitar a solicitude e seguir empadroado durante a recepción da axuda, así como carecer de vehículo adaptado, non ser beneficiario do transporte 065, non ser beneficiario do subsidio de mobilidade e compensación por gastos de transporte regulados pola LISMI, non superar rendas persoais con ingresos superiores a 16.135,075€ e estar ao día das obrigas fiscais, seguridade social e tributos municipais.
A documentación necesaria para presentar, podes atopala neste documento que podes descargar aquí.