- Novas
- 28 de diciembre de 2021
COGAMI é unha das entidades do terceiro sector que participou na nova axenda social única de Galicia
Despois de dous anos de traballo intenso na recollida de medidas “imprescindibles” segundo EAPN Galicia, entidade da que forma parte COGAMI, ponse en marcha a Axenda Social Única de Galicia 2021-2024, asinada conxuntamente pola Xunta de Galicia, FEGAMP, e as entidades do terceiro sector representadas a través de EAPN Galicia, Cruz Vermella Galicia, Cáritas Diocesana Galicia e ONCE Galicia.
Moitas das demandas que se recollen nesta Axenda foron trasladadas a través das entidades que conforman EAPN Galicia, sendo algunhas destas educación universal e de balde para nenos e nenas de 0 a 3 anos, a Tarxeta Básica ou inserción sociolaboral ata medidas de familias monoparentais, saúde mental, loita contra burocracia, actualización da Lei de Inclusión, fenda dixital, exclusión bancaria, loita contra o chabolismo e a infravivenda, a soidade non desexada, Plan Renove de electrodomésticos, reforzo dos Servizos sociais Comunitarios violencia de xénero ou recoñecemento explícito das entidades do Terceiro Sector Social.
Esta Axenda xurde ante a evidencia dun aumento da pobreza e exclusión social en Galicia motivada pola pandemia e a falla de acceso a unha vivenda digna, axeitada e accesible. A poboación galega máis vulnerable xa se atopaba nunha situación de fraxilidade en termos económicos antes da pandemia, en especial mulleres, mozas mozos, nenos e nenas. 253.000 persoas, o 9,4% da poboación, vivía no 2020 na pobreza severa.