• Novas
  • 09 de noviembre de 2021

COGAMI imparte cursos de alfabetización dixital en Vigo

COGAMI imparte cursos de alfabetización dixital en Vigo

As instalacións que COGAMI ten en Vigo acolleron dous cursos de alfabetización dixital aos que asistiron 10 persoas, 6 homes e 4 mulleres, todas elas apuntadas no Servizo de Orientación e Intermediación Laboral (SIL) de COGAMI como demandantes de emprego.

Estes cursos están enmarcados dentro do programa Máis Emprego que desenvolve COGAMI na provincia de Pontevedra e que financian Fundación “la Caixa” e o Fondo Social Europeo, tendo como obxectivo favorecer o acceso ao mercado laboral por vez primeira como tamén ofrece a oportunidade de realizar unha reciclaxe profesional. 

En total foron 20 horas impartidas en nocións básicas no manexo de aplicacións informáticas e ás que acudiron persoas con discapacidade ou incapacidade laboral para profesión habitual dos concellos de Vigo, O Porriño, Ponteareas e Salceda de Caselas.