• Novas
  • 24 de agosto de 2017

COGAMI inicia en Vigo cursos de formación para persoas con discapacidade desempregadas ou incapacidade laboral

COGAMI inicia en Vigo cursos de formación para persoas con discapacidade desempregadas ou incapacidade laboral


COGAMI inicia en Vigo dous cursos aos que poderán asistir todas aquelas persoas que teñan un certificado de discapacidade e/ou incapacidade laboral recoñecida.

Os cursos iniciarán a principios de outubro, sendo un deles de Atención Sociosanitaria a Persoas Dependentes en Institucións de nivel 2 que se vai impartir nas instalacións que temos en Mos (Avda. Do Rebullón, Puxeiros) de luns a venres.

O segundo curso, de Actividades Administrativas en Relación co Cliente, tamén de nivel 2 impartirase en Vigo (rúa Teixugueiras, nº15), e contará con 800 horas de clases presenciais durante as mañás de luns a venres, rematando no mes de xuño.

Estes dous cursos son gratuítos e, ao ser de nivel 2, é necesario ter a titulación en ESO ou equivalente. Ademais, as persoas interesadas en formarse con nós deberán estar desempregadas e inscritas como demandantes de emprego.

Se queres adquirir competencias para poder traballar como auxiliar de xeriatría ou como empregada/o administrativo, ponte en contacto coa oficina que temos en Vigo a través do correo silvigo@cogami.gal ou chamando ao teléfono 986 281 893.