- Novas
- 16 de diciembre de 2022
COGAMI participou en Madrid nas xornadas de voluntariado organizadas por COCEMFE
Co fin de apostar por un voluntariado inclusivo nas persoas con discapacidade, COCEMFE (Confederación Española de Persoas con Discapacidade) celebrou o 'Encontro Nacional de Voluntariado e Discapacidade: a acción colectiva que transforma o mundo’, unhas xornadas ás que asistiron representantes de COGAMI.
Un total de 13 persoas voluntarias, doce destas con discapacidade, de COGAMI e das asociacións membro Íntegro, Acadar de Ourense, Federación COGAMI Pontevedra e Federación COGAMI Lugo participaron xunto a outras entidades procedentes de diferentes territorios do Estado español.
Nesta xornada fíxose fincapé en que as persoas con discapacidade física e orgánica poden ser tanto receptoras de voluntariado como quen exerce a actividade voluntaria e exercer como axentes de cambio para transformar o mundo.
Estas xornadas serviron para intercambiar coñecementos, coñecer a realidade doutras entidades, maneiras de sensibilización e activismo, ademais de crear lazos, cohesión, coordinación e novas relación e redes entre as entidades do movemento asociativo de COCEMFE, sendo en Galicia a representante COGAMI.