- Novas
- 25 de junio de 2020
COGAMI remite propostas ás formacións políticas galegas para garantir os dereitos das persoas con discapacidade
Ante a próxima cita coas urnas na que un total de 2.697.315 galegas e galegos elixiremos as candidaturas que nos representará no Parlamento de Galicia para os vindeiros catro anos, COGAMI remite a todos os partidos políticos unhas propostas para que incorporen nos seus programas electorais.
Mediante estas propostas, dende a Confederación preténdese que as diferentes formacións políticas teñan en conta ao grupo social da discapacidade, unhas peticións que serven para garantir os dereitos das persoas con discapacidade a través da inclusión social.
Algunhas destas propostas son a elaboración e creación dunha Lei do Terceiro Sector de Acción Social, o desenvolvemento do Concerto Social, garantir o cumprimento das normativas de e accesibilidade universal, fortalecer os servizos de integración laboral especializadas en persoas con discapacidade, potenciar a formación e reciclaxe nas novas tecnoloxías ou velar polo cumprimento da cota de reserva do 2% na empresa ordinaria.
Outras das medidas remitidas por COGAMI ás diferentes representacións políticas son a necesidade de potenciar a formación ocupacional, a prestación de servizos por licitación pública reservada a través de centros especiais de emprego, a incorporación de cláusulas sociais na contratación pública e garantir axudas á promoción da autonomía persoal.
Podes descargar neste documento, a totalidade das propostas neste enlace