Dende os fornos de Oleiros en dirección a Intersicop, o Salón Internacional de Panadería, Pastelería, Xeladería e Café. Hornos Lamastelle é unha das 81 empresas alimentarias e 212 expositores que presenta no Ifema de Madrid, dende o sábado 23 e ata o martes 26 de febreiro, os produtos estrela que produce: a empanada tradicional galega, a Tarta de Santiago IGP e os biscoitos.
Estar presente en Intersicop supón para Hornos Lamastelle unha oportunidade para presentar os seus produtos tanto ao público nacional como tamén ante asistentes que proceden de Alemaña, Bélxica, China, Francia, Italia, Marrocos, Portugal e Turquía.
Esta nova edición de Intersicop a Lamastelle suporalle contar coa oportunidade de estar preto dos clientes e poder contactar directamente con eles, ademais de darse a coñecer ante clientes potenciais e captar novos dentro do sector alimentario.
A asistencia a este tipo de feiras especializados tamén posibilita relacionarse cos grupos de interese dentro do sector como son provedores, distribuidores, creadores de novos deseños e, por suposto, crear presenza nun mercado á alza.
Hornos Lamastelle terá o seu propio stand no pavillón 14.0, 14I14 cunha extensión de 20 m2 que será atendido por catro profesionais que forman parte desta iniciativa empresarial de economía social, que conta cun cadro de persoal formado por 90 persoas traballadoras, tendo discapacidade o 95,5% delas.
Hornos Lamastelle
Hornos Lamastelle é un das 11 iniciativas empresariais de economía social que conforma Galega de Economía Social. Situado en Oleiros (A Coruña), Hornos de Lamastelle pertence a COGAMI tendo como actividade principal a integración de persoas con discapacidade, sendo o emprego un dos factores esenciais para a inclusión das persoas, ofrecéndolles a oportunidade de deseñar os seus proxectos de vida.