- Novas
- 26 de octubre de 2021
Máis de 70 persoas asistiron ás xornadas sobre enfermidade renal organizadas por Alcer Coruña
Despois de dous anos sen poder relacionarse un colectivo considerado altamente vulnerable como o é o das persoas con enfermidade renal crónica, tras recibir a terceira dose da vacina do COVID-19, ALCER Coruña organizou a I Xornada sobre enfermidade renal crónica no Forum Metropolitano de A Coruña.
Ata alí desprazáronse setenta persoas para escoitar temas abordados neste encontro como o alivio no impacto das familias de menores en diálise tras a o pulo da creación dunha unidade de referencia en Galicia, a situación de falla de equidade en Galicia no transporte das persoas que acoden a tratamento de hemodiálise e a necesidade de información para articular a xestión da cronicidade da enfermidade renal crónica. Tamén houbo unha lembranza a todas as persoas falecidas e infectadas polo COVID durante o proceso de diálise ou transplante.
Para desenvolver estas xornadas contouse coa colaboración do Concello de A Coruña, a Escola Galega de Saúde para Cidadáns e empresas como DIAVERUM, Pfizer ou GAES AMPLIFOM. Ademais, participaron a segunda tenente de alcaldía e concelleira de Igualdade e Benestar Social, Yoya Neira, o xerente do Servizo Galego de Saúde, José Manuel Flores Arias, o director xeral de Asistencia Integral Sociosanitaria, Antón Acevedo, a vicepresidenta da Sociedade Galega de Nefroloxía, Teresa García, o presidente de Federación Nacional Alcer, Daniel Gallego, o presidente de Alcer Coruña, Rafael Rodríguez, o vicepresidente de COGAMI, Ramón Sestayo, e vicepresidenta da Federación Alcer Galicia, Nuria Cruz.