Persoal laboral de la Caixa da área sur de Pontevedra visitan as instalacións do centro de recursos que COGAMI ten en Mos. Nesta visita, á que asistiron preto de 40 profesionais da entidade bancaria, o director do centro, Celso Álvarez, explicou os servizos que se prestan no centro de recursos, algúns deles apoiados coa financiación que achega la Caixa a través das convocatorias presentadas.
Algúns dos programas financiados por la Caixa foron o Servizo de atención integral da provincia de Pontevedra no que participaron 185 persoas durante o ano 2017, aportando 8 mil euros la Caixa. Outro programa desenvolvido foi o de Atención Integral de Persoas con Discapacidade da provincia de Pontevedra, sendo financiadas actividades de fisioterapia, logopedia, balneoterapia e danzaterapia en centros de Silleda, Vigo, Ponteareas, Cuntis, Tomiño e Mos.