- Novas
- 09 de enero de 2023
Profesionais de COGAMI comparten coñecementos a través de xornadas de experiencias
COGAMI puxo en marcha un programa piloto que permite que profesionais de diferentes centros de traballo e servizos que desenvolve a nosa Organización poidan compartir coñecementos entre elas.
Denominado Xornadas de Experiencias, a través deste programa participaron un total de 30 profesionais que tiveron a oportunidade de compartir e intercambiar os seus coñecementos con outras persoas profesionais doutros centros de traballo.
Ata o de agora foron tres as xornadas que se desenvolveron, sendo unha delas de centros con perfís de monitores e monitoras; outra foi unha xornada de impresión en 3D dirixida a terapeutas ocupacionais e a última foi sobre terapia acuática na que participaron fisioterapeutas e terapeutas ocupacionais.
Dende a área de Recursos Humanos destacan a boa acollida que tiveron estas Xornadas de Experiencias entre as persoas participantes e agardan que durante este exercicio se poidan levar a cabo outras semellantes.