- Novas
- 18 de enero de 2021
Xuntanza de COGAMI coa Conselleira de Emprego para abordar actuacións de fomento do emprego inclusivo
O presidente de COGAMI, Anxo Queiruga, e mailo membro da xunta directiva, Ignacio Rodríguez, mantiveron unha xuntanza coa conselleira de Emprego e Igualdade, María Jesús Lorenzana, na que puxeron en valor as liñas de traballo a prol do emprego inclusivo para o exercicio deste ano.
Durante a xuntanza, a Conselleira de Emprego expresou que a promoción do emprego das persoas con discapacidade está no centro das políticas de emprego e formación deseñadas para este ano polo seu departamento, incrementando o orzamento nun 11% con respecto ao ano anterior, segundo a Xunta.
Para este ano expresan que manterán programas de axuda á creación e mantemento de postos de traballo en centros especiais de emprego e empresas de inserción, o programa piloto de formación dual para persoas con discapacidade intelectual ou a nova liña de axudas para o reequilibrio financeiro de centros especiais de emprego de iniciativa social e empresas de inserción, dirixido a garantir a viabilidade destas empresas, entre outros, espérase beneficiar de xeito directo a 130 empresas que dan traballo a máis de 3.600 persoas.