Deputación Pontevedra
A Deputación de Pontevedra financia cunha aportación de 40.000 euros o Servizo de Orientación e Intermediación Laboral (SIL) para as persoas con discapacidade que ten COGAMI na provincia, concretamente nas cidades de Pontevedra e Vigo, prestándolle atención ao resto de comarcas.
Este programa ten como finalidade promover a igualdade de oportunidades no acceso ao mercado de traballo a través do desenvolvemento dunha serie de accións encamiñadas á inserción socio-laboral, onde as persoas beneficiarias recibirán información, asesoramento, formación e capacitación para o emprego.
Actualmente, COGAMI presta servizo a máis de 6.400 persoas usuarias inscritas na provincia de Pontevedra, tendo en común este perfil: persoas paradas de longa duración, sen experiencia laboral previa, descoñecedora do mercado laboral, con idade avanzada para busca de emprego, escaso nivel formativo e con falta de confianza para atopar emprego.
Xunto co SIL, tamén financia a través da convocatoria de subvencións dirixidas ás entidades de iniciativa social sen ánimo de lucro para o fomento da igualdade de oportunidades e a loita contra a violencia de xénero, o proxecto `Activando O Rural - O Empoderamento das Mulleres con discapacidade´, no que se deseñan e desenvolven itinerarios personalizados de atención con acompañamento a mulleres que viven no rural, completados co desenvolvemento de obradoiros de empoderamento. Ponse especial atención ás temáticas relacionadas coa igualdade e coa violencia de xénero.
Outro programa que financia a Deputación de Pontevedra é `Conectadas´ para mellorar a formación básica das mulleres, fomentar as relacións interpersoais e o intercambio de experiencias, ademais de contribuír a favorecer a súa empregabilidade e o seu mantemento no mercado de traballo, reducir a fenda dixital mediante a utilización de información e das novas teconoloxías. A través deste programa, 18 persoas do centro de recursos de Medelo participaron nunha actividade de risoterapia, para o coidado e benestar, coa que se pretende mellorar o estado anímico e físico a través da risa,
No programa Pontegal, que promove actividades artísticas e culturais no tecido asociativo, permitiu que o centro de recursos de Mos asistira a unha xornada de teatro para ver a obra Arlen o mercader.