- Novas
- 09 de noviembre de 2018
COGAMI inicia curso de caixeiro en Barbadás para persoas con discapacidade
As instalacións do Centro Empresarial Transfronteirizo de Barbadás acollen un curso de caixeiro que COGAMI iniciou con 10 persoas con discapacidade, 6 mulleres e 4 homes, apuntadas dos concellos de Barbadás, Ourense e San Cibrao.
Esta formación, está financiada pola Fundación ONCE a través do Programa Inserta colabora o concello de Barbadás tras cederlle a COGAMI o uso da aula que está situada na primeira planta do CET de Barbadás.
O curso, que rematará o 19 de decembro, desenvólvese en horario de 9 a 14 horas e consta de 140 horas lectivas teóricas, con opción a 50 horas prácticas reais en empresas do sector. Durante a formación, o alumnado traballará na adquisición de competencias e habilidades para poder desempeñar actividades en supermercados, tendas-comercio e grandes superficies en postos de atención ao público, venda e cobro de produtos.
Todas as persoas que iniciaron este curso están inscritas no servizo de emprego de COGAMI, e ao mesmo tempo no servizo PorTalento da Fundación ONCE. O obxectivo xeral desta formación é dotar de habilidades e competencias específicas ás persoas coa clara intención de centrarse nunha busca activa de emprego en distintos sectores, facendo especial fincapé en actividades de venda, grandes superficies, pequeno e mediano comercio.