- Novas
- 30 de julio de 2021
Éxito de resultados nas probas de competencias clave ás que se presentou alumnado de COGAMI Ourense
Satisfacción en COGAMI Ourense polos resultados acadados nos exames de Competencias clave aos que se presentaron persoas inscritas no Servizo de Orientación e Intermediación Laboral (SIL). O cen por cen das persoas que foron preparadas para estas probas lograron superar as probas e, polo tanto, contan agora coa posibilidade de formárense en actividades que os van a dotar de capacitación e competencias para poder optar a un emprego axeitado ás súas expectativas.
Durante os meses de abril e maio foron 7 as persoas que se prepararon de maneira presencial para os niveis 2 e 3 en materias de matemáticas e linguas castelá e galega. A maiores, profesionais do SIL apoiaron a outras 4 persoas que, por cuestión de aforo ou problemas de desprazamento, non puideron asistir de maneira presencial.
O esforzo tivo o seu agasallo, todas estas persoas lograron superar as probas que se celebraron no concello de Silleda e agora, van poder contar con máis posibilidades para enfrontarse ao mercado laboral.