- Novas
- 15 de octubre de 2021
Máis de cen persoas participaron no programa de lecer náutico de COGAMI
Éxito de participación no programa de lecer náutico que desenvolve COGAMI no Real Club Náutico de Sanxenxo e no que colabora a Fundación Mapfre. Un total de 100 persoas participaron nesta edición pertencentes a 9 centros e entidades membro diferentes, sendo estas: os centros de recursos de Medelo e Mos, Aixiña, Misela, Integro, Adapta, Avante, Asem Galicia e Acem Coruña.
Este programa, dende que iniciou en 2013, ten por finalidade achegar o deporte de vela ás persoas con discapacidade. As actividades realizadas están englobadas no que se coñece como un programa de respiro, que contempla un curso de 20 horas de duración.
A organización de esta e outras actividades que organiza a área de Lecer de COGAMI, son financiadas pola Xunta de Galicia a través dos fondos do 0,7% do IRPF que achegan todas as persoas contribuíntes que marcan o recadro da X Solidaria cando fan a declaración da renda. Este financiamento permite que máis de 500 persoas usuarias de COGAMI poidan participar en actividades de lecer inclusivas e adaptadas.