Federación de Asociacións de Persoas con Discapacidade da provincia de Pontevedra
- Dirección: Rúa As Teixugueiras, nº 15
- Código Postal: 36212
- Localidade: Navia - Vigo
- Provincia: Pontevedra
- Correo electrónico: fed.cogamipontevedra@cogami.gal
- Teléfono: 986487925
- Teléfono móbil: 610191023
- Páxina Web: http://cogamipontevedra.org/
.jpg)
A Federación de Asociacións de Persoas con Discapacidade Física de Pontevedra (COGAMI PONTEVEDRA) constitúese legalmente ou 3 de marzo de 1989. É a entidade máis representativa do movemento asociativo de persoas con discapacidade da Provincia de Pontevedra. Está conformada por 17 asociacións de persoas con discapacidade
Forma parte a nivel autonómico da estrutura asociativa de COGAMI ( Confederación Galega de Persoas con Discapacidade) e a nivel estatal é membro de COCEMFE (Confederación Española de Personas con Discapacidad Física y Orgánica).
MISIÓN:
A misión da federación é promover e coordinar a defensa dos dereitos das persoas con discapacidade cara a súa plena integración.
OBXECTIVOS:
- Defender a dignidade e os dereitos das persoas con discapacidade.
- Promover a plena integración escolar, laboral e social das persoas con discapacidade.
- Crear as condicións para que as entidades membro poidan cumprir axeitadamente a misión.
- Orientar, coordinar e impulsar o movemento asociativo integrado na Federación con criterios de solidariedade.
- Representar os seus membros no ámbito provincial, autonómico, nacional e internacional.
ÁMBITO DE ACTUACIÓN:
O ámbito territorial da Federación, é o da provincia de Pontevedra.
As entidades membro son as seguintes:
ENTIDADES ASOCIADAS
As asociacións membro de COGAMI PONTEVEDRA son:
- AMIZADE (Asociación de persoas con discapacidade da comarca de Pontevedra)
- ASODIFISI (Asociación de discapacitados físicos de Mos)
- AGADHEMO (Asociación Galega de Hemofilia. Delegación provincial de Pontevedra)
- ACADAR (Asociación de Mulleres con discapacidade de Galicia)
- AGFQ (Asociación Galega de Fibrose Quística. Delegación provincial de Pontevedra)
- ADAPTA (Asociación de persoas con discapacidade das Comarcas do Condado e Paradanta)
- AGL (Asociación Galega de Linfedema, Lipedema, Insuficiencia Venosa Crónica e outras patoloxías vasculares periféricas de linfedema)
- ANDURIÑA (Asociación de Persoas con Discapacidade do Salnés)
- ASEARPO (Asociación Enfermos de Artrite de Pontevedra)
- AVANZAR (Asociación de Persoas con Discapacidade do Umia - Ulla)
- AVIDEPO (Asociación Viguesa de espondilíticos de Pontevedra)
- VONTADE (Asociación de persoas con discapacidade VONTADE)
- ALCER PONTEVEDRA (Asociación para a Loita Contra as Enfermidades do Ril de Pontevedra)
- ASEM (Asociación Galega contra as Enfermidades Neuromusculares)
- AVEMPO (Asociación Viguesa de Esclerose Múltiple de Pontevedra)
- ALMYF (Asociación de lesionados medulares e minusválidos físicos)
- ASOTRAME (Asociación galega de persoas afectadas por trasplantes medulares e outras enfermidades oncohematolóxicas)
Na actualidade Cogami Pontevedra conta cos seguintes servizos:
- Información e asesoramento:
Ten como finalidade proporcionar información e asesoramento a persoas ou entidades relacionadas directa ou indirectamente coa discapacidade.
No servizo se inclúe: normativa relacionada cos dereitos individuais e colectivos, beneficios do certificado de discapacidade, axudas económicas e técnicas, accesibilidade e supresión de barreiras, formación, asociacionismo, información sobre convocatorias, colaboración coas entidades para a preparación de proxectos e actividades e derivación a servizos e organismos adecuados.
- Dinamización e consolidación do movemento asociativo na Provincia de Pontevedra:
O obxectivo final do servizo é o de dar cobertura ás necesidades das persoas con discapacidade a través dunha rede de Asociacións dirixidas a resolver os seus problemas, demandas e peticións, ademais de consolidarse como un punto de referencia para as entidades membro na provincia.
Recepción e captación de novas entidades membro con intereses incluidos nos estatutos da Federación.
Representatividade do colectivo de persoas con discapacidade na Provincia de Pontevedra.
Coordinación de servizos e actividades, solicitude e xestión de espazos para que as asociacións poidan levar a cabo a súa labor asociativa.
Asesoramento no deseño de proxectos e memorias.
- Atención integral a persoas con discapacidade:
A finalidade é a de fomentar que as persoas con discapacidade da Provincia de Pontevedra sexan capaces de alcanzar un nivel de vida máis autónomo e independente a través de:
Actividades de prevención.
Actividades rehabilitación física.
Actividades rehabilitación da linguaxe.
Actividades de atención social.
Actividades de lecer, deporte e participación social.
Actividades de sensibilización.
- Voluntariado: Consolidación da rede de voluntariado e participación.
Enderezo: Rúa As Teixugueiras, nº 15
Código Postal: 36212
Localidade: Navia - Vigo
Provincia: Pontevedra
Correo electrónico: fed.cogamipontevedra@cogami.gal
Teléfono: 986487925 / 610191023
Facebook: https://www.facebook.com/cogamipontevedra1989
Enche o formulario de contacto se desexas contactar coa asociación
