Asociacións

ORIXE:

A Asociación Compostelá de Esclerose Múltiple, Párkinson, ELA e outras enfermidades neurodexenerativas e enfermidades raras -ACEM- é unha entidade sen ánimo de lucro que nace no ano 1995 co fin de contribuir a mellorar a calidade de vida das persoas afectadas por estas doenzas, así coma a dos seus familiares e persoas coidadoras. No ano 2007 foi recoñecida como entidade de Utilidade Pública.

ACEM conta con máis de 30 anos de experiencia no colectivo de atención a persoas con discapacidade e dependencia. Así, no ano 2009 o concello de Santiago de Compostela cede unha parcela situada na R/ Queixume dos Pinos s/n, baixo réxime de concesión demanial, para a construción dun centro, que con data 27 de xuño do 2013 foi declarado de interese e utilidade municipal. É neste Centro de Rehabilitación Integral, onde ACEM ofrece unha atención multidisciplinar e integral, paliativa e preventiva a través dun equipo multidisciplinar de acción conxunta especializado no sector.

Os valores que ACEM propugna son a consideración das persoas con esclerose múltiple, párkinson, como suxeitos titulares de dereitos e deberes, a calidade e na súa actuación, o traballo en equipo, a eficia e a eficiencia, a mellora continua, e o compromiso co colectivo de persoas con EM, Párkinson, ELA e outras enfermidades neurodexenerativas.

MISIÓN:

A misión da ACEM é levar a cabo toda clase de accións destinadas a mellorar a situación das persoas con esclerose múltiple e doenzas semellantes, así como a das súas familias, a través da prestación de servizos socio-sanitarios, da sensibilización social e a defensa dos dereitos do colectivo.

ACEM ten como un dos seus principios constituírse nunha entidade consolidada e amplamente recoñecida pola sociedade en xeral, polos seus valores, compromiso, profesionalidade e liderada nas metodoloxías de traballo e na procura da excelencia nas actuacións dirixidas ó grupo social das persoas afectadas e/ou as súas familias.

ÁMBITO DE ACTUACIÓN:

O ámbito territorial propio de ACEM é o correspondente as provincias de A Coruña e Pontevedra (concellos e comarcas incluídas dentro do ámbito de atención, xeográfico, clínico e administrativo do Complexo Hospitalario Universitario Santiago de Compostela). 

OBXECTIVOS

Os principais obxectivos de ACEM son:

• Apoiar a tódalas persoas con esclerose múltiple, párkinson, ELA e outras enfermidades neurodexenerativas e as súas familias, residentes no territorio do seu ámbito de actuación.
• Defensa do dereito a un xeito de vida e a un entorno social que garanta a vida independente e o desenvolvemento autónomo de toda persoa con estas patoloxías.
• Facilitar información sobre a esclerose múltiple ós profesionais sanitarios e sociais e os familiares, ca fin de lograr un mellor coñecemento e implicación dos mesmos, co máis absoluto respeto a súa dignidade e diversidade.
• Promover e apoiar as iniciativas á creación de Unidades de Referencia especializadas dentro da nosa Comunidade Autónoma.

PERSOAS ASOCIADAS:

O nº de persoas asociadas na actualidade é de 448.

FORMAMOS PARTE DE:

ACEM Santiago forma parte de AEDEM-COCEMFE (Asociación Española de Esclerosis Múltiple - Confederación Española de Personas con Discapacidad Física y Orgánica), FEGADEM (Federación Galega de Esclerose Múltiple), COGAMI (Confederación Galega de Persoas con Discapacidade); é entidade adherida á FEP (Federación Española de Párkinson) e colabora con AGAELA (Asociación Galega de Afectados de ELA) e ADELA (Asociación Española de ELA).